كـل هـــذا صـــار فـــي يــوم الاثنين ^^^ يوماً قضى على آمال أحلامـي
شــفتـــك يايمــه عقب سبـعة سنين ^^^ عقب كفاحك صار قلبك الفانـــي
أكذب عيوني وأقول ليش ماتحـركين؟! ^^^ ردي يايمـه تكفين يابعد وجدانـي
خذي قلبي خذي كلي أرجوك تنفّسين ^^^ أو من وريدي أوخذي شرياني
ماصدقت عيوني يوم غطوك زيــــن ^^^ هذا علم؟!هذا حلم؟! أو شيءً خيالي
متّي يايمه ودفناك حدر الطيــــن ^^^ وشلون قدرت أدفنك تراه بكانــي
خوفي عليك كان من حين لحيــــن ^^^ واليوم اتجرأ وأحذيك ولاأبالــي
والله يايمه لولا تعاليم الديـــن ^^^ اللي أمرنا نقبرك وكل إنسانــي
كان أحطك وأقبرك برموش هالعـين ^^^ وأريح نفسي ولاأصير ألحالــــي
بفقدك يايمه من لي الحيــــــن ^^^ أنتِ الأبو والأم وأعز خلانــــــي
راح العطف واللطف وقبله الليــن ^^^ ماينصفك حروف وأبيات ألحانـي
ضاقت بي الدنيا بعدك يازيــــن ^^^ أتخيلك دوم تقولين بتناسنــــي؟!
وشلون أنساك يانــظــر العيــن ^^^ ماأنساك لو أنسى القاصي والدانـي
من بعدك يايمه صار قلبي قسميـــن ^^^ قسمٍ بقى وقسمٍ راح معك خلانــــي
وين أشتكي على ماأصابني ويـــــــن؟ ^^^ شكواي لله الأول والتالــــي
من لهم خواتي لو جوو شاكيـــــن؟! ^^^ والا اخواني لو ضاقت ليالــــي
حتى اليتامى بعدك يآكلون منيـــن ^^^ والا الفقير إذا جاء وألفانـــي
ياحي عوضها عن مرضها الشيـــن ^^^ في جنة الخلد تنعم ولاتعانــــي
وتجعل لها قصور وبيتيــــــن ^^^ بيتٍ لها ملك والثاني تلقانـــــــي
****
دمــتــم
بـود
الله يطول بعمار امهاتنا جميع ويخليهم
لعين ترجيهم قولو امــــــيـــــــن